Tramp Avropanı tənqid edib

ABŞ Prezidenti Donald Tramp bildirib ki, Avropa ölkələri öz miqrasiya siyasətləri səbəbindən üçüncü dünya dövlətlərinə çevrilmək riski ilə üz-üzədir.

Kanal15.az xəbər verir ki, Amerika lideri müvafiq bəyanatı "Truth Social" sosial şəbəkəsində paylaşıb.

"Avropa öyrənəcək ki, əgər siz üçüncü dünya ölkələrindən olan cinayətkarları qəbul edirsinizsə, o zaman üçüncü dünya ölkəsinə çevrilirsiniz. Bu, çox sürətlə, göz qırpımında baş verir. Məni tam vaxtında seçiblər", - Tramp yazıb.

ABŞ Prezidenti Vaşinqtonun Avropadakı müttəfiqlərini həddindən artıq yumşaq miqrasiya siyasəti yürütdüklərinə görə tənqid edib. O həmçinin bildirib ki, administrasiyası tərəfindən qeyri-qanuni miqrasiya ilə mübarizə istiqamətində görülən tədbirlər ABŞ-nin üçüncü dünya ölkəsinə çevrilməsinin qarşısını almağa imkan verib.