Cəlilabad rayonunda ölümlə nəticələnən yol qəzası baş verib

Cəlilabad rayonunda baş verən yol qəzasına 1 nəfər ölüb, 2 nəfər müxtəlif dərəcəli bədən xəsarətləri alıb.

Kanal15.az xəbər verir ki, rayonun Cəlayır kəndi ərazisində VAZ 2107 markalı avtomobil ilə VAZ2106 markalı avtomobil toqquşub. Qəza nəticəsində VAZ2016 markalı avtomobilin sürücüsü 1963-cü il təvəllüdlü Təklə kənd sakini Afət adlı şəxs hadisə yerində ölüb, digər avtomobilin sürücüsü rayonun Lalar kənd sakini Kazım adlı şəxs isə xəsarətlər alıb.

Qəza baş verən anda yol kənarında olan Tamara adlı xanım isə avtomobilin altında qalaraq ağır bədən xəsarətləri alıb.

Hadisə yerinə Təcili Tibbi Yardım briqadası və Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinin əməkdaşları cəlb olunub.

Xəsarət alanlar Cəlilabad rayon Mərkəzi Xəstəxanasına aparılıb.

Əlavə məlumat veriləcək.