Cəlilabadda su bəndi yenidən qurulur

Cəlilabad rayonunda Sarıqaya su bəndində yenidənqurma işləri aparılır.

Bu barədə Cəlilabad rayon Suvarma Sistemləri İdarəsindən məlumat verilib.

Bundan başqa, məlumata görə, Hamarqışlaq, Privolnoye, Uzuntəpə-1, Uzuntəpə-2 və Ocaqlı sututarlarında (su bəndi) da yenidənqurma işləri davam etdiriləcək. Məqsəd əkin sahələrinin su təminatının yaxşılaşdırılmasıdır. Bununla bağlı tender elan olunub, qalib şirkətə 6 milyon manat ödənilməsi nəzərdə tutulur.

Hazırda rayonda ümumi tutumu 28,5 milyon kubmetr olan 20 sututar var.