Sabirabadda klinikada yanğın baş verib

Sabirabad şəhər ərazisində klinikada yanğın hadisəsi baş verib.

Hadisə Sabirabad şəhərindəki Muğan klinikasında qeydə alınıb. Dərhal hadisə yerinə Fövqəladə Hallar Nazirliyi Dövlət Yanğından Mühafizə xidmətinin texnika və canlı qüvvəsi cəlb edilib.

 Yanğınsöndürənlərin çevik müdaxiləsi sayəsində birmərtəbəli klinikanın dam örtüyündə baş vermiş yanğın havanın küləkli olmasına baxmayaraq genişlənməsinə imkan verilmədən qısa müddətdə söndürülüb.