Fransada polis kilsədə bıçaqlı kişini güllələyib

Fransanın mərkəzi hissəsində yerləşən Korrez departamentinin Briv kommunasında polis əməkdaşları kilsədə onlardan gizlənməyə çalışan bıçaqlı kişini güllələyiblər.

Bu barədə BFMTV telekanalı məlumat yayıb.

Məlumata görə, şübhəli şəxs oğurlanmış avtomobili ataraq kilsəyə soxulub. Saxlanma zamanı o onu təqib edən polis əməkdaşlarını bıçaqla hədələyib.

Telekanal bildirib ki, hüquq-mühafizə orqanları atəş açıb və "şübhəli şəxs aldığı yaralardan ölüb".

Hadisə ilə bağlı araşdırma başlanıb. 40 yaşlı kişinin kimliyi və niyyəti araşdırılır