“Neftçi” Avropa Liqasında növbəti mərhələyə yüksəldi

0
79

“Neftçi” UEFA Avropa Liqasında ilk oyununu keçirib.

“Report”un məlumatına görə, Füzuli Məmmədovun baş məşqçilik etdiyi komanda I təsnifat mərhələsində Şimali Makedoniya təmsilçisi “Şkupi” ilə üz-üzə gəlib.

“Bakcell Arena”da təşkil olunmuş qarşılaşma “Neftçi”nin 2:1 hesablı qələbəsi ilə yekunlaşıb. Görüşün ilk hissəsində qapılara qol vurulmayıb. 66-cı dəqiqədə “Neftçi”nin belçikalı legioneri Sabir Burqin hesabı açıb. 70-ci dəqiqədə qonaqların heyətində Omar Qudiabi ikinci sarı vərəqəni alaraq meydandan qovulub. 88-ci dəqiqədə Anton Krivotsyuk ikinci qolu “Şkupi”nin qapısından keçirib. 90+1 -ci dəqiqədə isə Dembo Darbo hesab arasındakı fərqi azaldıb.

Beləliklə, “Neftçi” Avropa Liqasında II təsnifat mərhələsinə yüksəlib.

Qeyd edək ki, Avropa Liqasında II təsnifat mərhələsinin oyunları sentyabrın 17-də olacaq. Bu raundun püşkü avqustun 31-də atılacaq.

LEAVE A REPLY

Please enter your comment!
Please enter your name here